揾屋(租屋)初心者經驗分享

打算移民/搬到澳洲的香港朋友,第一件事係找落腳的地方,個人建議如未有物業在手的可以慢慢來,在南澳找屋真係完全唔洗急,因為這邊的物業供應很充足,物業唔會在短期內大升/大跌,市場交投亦無香港咁密,買屋容易賣屋難,萬一在東面找到屋住,但日後找到份工係城西,每日返工放工要穿過繁忙既市中心,咁就真係玩自己。

繼續閱讀 「揾屋(租屋)初心者經驗分享」

Total Fire Ban 下唔可以做啲乜?

香港耐唔耐會有一兩次山火,特別係新年或掃墓時節,但南澳這裏每年都有很多山火,危害附近的居民及野生動物。喺香港紅色火災危險警告就聽得多,南澳呢度除咗有火災危險警告之外,仲有一個 Total Fire Ban 嘅行政指令以減少人為引發山火的機會。新來乜都唔知既話,就睇下係南澳在 Total Fire Ban 時有咩做得同唔做得。

繼續閱讀 「Total Fire Ban 下唔可以做啲乜?」

醫療卡

申請 Medicare 算是新移民初登陸頭5件必做事之一 。除左方便睇醫生,更重要既係 Medicare 卡係一個身份證明文件,ID check 入面值25分,租屋、開銀行戶口都會用得著。

Medicare card 可以去就近的 SA Service 中心申請,憑卡在 bulk bill 的診所睇醫生免費,診所會直接向 Medicare 收費。

Medicare 申請條件及辦法
https://www.humanservices.gov.au … icare/medicare-card

怎樣找 bulk bill 的診所? 在此推薦一個app – HealthEngine ,可以按地區 / 醫生性別 / 語言找GP (普通家庭醫生)、牙醫、物理治療、心理醫生等,仲可以篩選是否 bulk bill,查閱開放時間、睇評價、大部份診所仲可以即時在網上 / app內掛號,o岩晒啲無法用英文口語形容病況既人。

圖書舘

初來南澳,家俬物品未寄來,小朋友無晒啲玩具,上網又未有無限 Plan,這時很建議大家到住處附近的圖書館睇睇。

去到圖書館,除左借書外,仲有好多野可以做,以我這裡附近的 Campbelltown Library 為例,你可以:

  • 免費上網:上網 Data 唔夠用時,這裡可以解決你燃眉之急
  • 印文件(收費):初來報到要填 Form 印住址証明文件都可以,黑白彩色單雙面都得(要把文件 Email 去特定地址)
  • Certify文件:有常駐 JP 係度幫你 Cert 文件
  • 借 Bluray / DVD 影片:古今中外電影電視劇都有,卡通片更是女兒最愛,家中上唔到網睇片最岩,不過唔一定有中文字幕
  • 借小朋友玩具:不少圖書館都有 Toy Library,佢地有好多 0-5yrs old 的玩具、Board Game及電子遊戲借用 2-3星期,收AU23年費(其他地方更平),唔想買左玩具玩幾玩又要找地方安置,這裡不錯
  • 終身學習:登記用戶可以免費無限任用 Lynda 網上教學網!!!
  • 其他 Activities 給大人或小朋友,不能盡錄⋯⋯

有咁多免費服務,你仲驚來到南澳會悶嗎?