打算移民／搬到澳洲的香港朋友，第一件事係找落腳的地方，個人建議如未有物業在手的可以慢慢來，在南澳找屋真係完全唔洗急，因為這邊的物業供應很充足，物業唔會在短期內大升／大跌，市場交投亦無香港咁密，買屋容易賣屋難，萬一在東面找到屋住，但日後找到份工係城西，每日返工放工要穿過繁忙既市中心，咁就真係玩自己。
而打算租屋的可先在 Airbnb 找間屋小住一個月 (因為 discount 比較多)，然後再租一架車約 4 星期左右，在這期間，可以在 realestate.com.au / domain.com.au 睇你喜歡的屋類，看那些物業有 Open Inspection (一般集中在星期三／六)，開放時間約 15 分鐘，夾岩時間每天看幾間，睇岩的便可以交 Form 申請，Agent 會集齊再交俾業主選擇。
然而初來的租屋申請者，好多時都會遇到以下問題，大家要多留意：
- 沒去過 Open Inspection 的申請者， Agent 很多時都不會收 Form
- 一月是租屋旺季，留學生都在找大學區附近的租盤，盡量避免同佢地直接競爭
- 這邊的業主及 Agent 很看重租客的 Past History，但新來的港人一般都沒有 reference，多人爭的租盤可能需給業主其他誘因，令他們會考慮租給你，如提供銀行存款記錄或 Offer 預早交半年租等等，好彩的話找到華人業主好多時都有得傾
- 如看中的物業一星期內沒有 Open Inspection，可聯絡 Agent 安排為你開放的
- 新來的家庭如有小朋友首年需讀英文班的，一般都想搬近 IELC 校區，看看這些學校在 Google map 上的位置
- 交了文件後久久沒回應那也很正常，不用灰心，多看幾間就是了，身邊的朋友很過 10 多間才租到的也大有人在
- 雖然在 2011 人口普查上東面係多少少香港人住，但其實無必要為左咁就選東區，因為實制上東南西北都有香港人，有好人，有壞人。最緊要都係睇晒咁多區，睇下邊度岩自己
- 這邊的水／電／煤收費分開 Supply & Usage charge，同業主簽合約前最好問清楚是否只需俾 Usage，免得超支
如果成功租到屋，又有啲野同香港唔同，以下幾點要留意
- 入伙前先安排好申請電／水／煤，不然入伙後無得用就煩了，一般早兩三天申請便可以了，而應該選那一間，可問 agent，或日後再寫新文章分享
- 這邊交租多數係 2 星期交一次，最好 set 自動轉賬
- 業主會要求租客交 4 – 6 星期 Rental Bond 去 Consumer and Business Services (CBS)，啲錢要到退租後，業主 / Agent check 左間屋無問題先可以申請退返，如果間屋有咩爛左就會係個 bond 到扣左錢先會俾返租客
- 業主／Agent 多數會定期 Inspect 間屋既情況，一般一年 3 – 4 次，會事先通知租客幾時會來，但就算租客不在家佢地都可以用後備匙入屋檢查，
- 退租前一個月，業主／Agent 亦會安排間屋 Open Inspection，租客都只能配合，算係業主的合法權利
- 搬走前有個 exit clean，都由租客負責，不過最好唔好自己做，要由專業的清潔公司做，之後俾返張單業主／Agent，因為個個 agent 的 checklist 都不太一樣，如果佢地唔滿意，係可以不停咁叫你去清理返啲地方，所以等佢地去 call 清潔會比較好
暫時只想到咁多，有機會的話下篇文章再分享一些買屋經驗分享。