流通貨幣

澳洲本地人消費一般都使用電子交易，但初來澳洲唔少人都未能即時攪到銀行簽帳卡(Debit Card)，所以認識下本地既流通貨幣都係必需，唔係既話係超級市場買野找續都會幾麻煩。

硬幣

以上係澳洲皇家鑄幣廠既圖片，正面（公）全部都係英女王伊利沙伯二世頭像，左至右佢地分別係 5毫，2毫，1元，1毫，2元及最後既5仙。就咁睇都幾難分，大約可以話銀色硬幣面積越大，面值就越大；金黃色既硬幣面積越大，面值就反而越細。

以上硬幣不同年份制造會有不同款式，想知多啲可以 Click 以上嘅圖片再睇多啲。

---

紙幣

1995年起，澳洲全面採用塑膠黎制作〝紙〞幣，各面值都有不同特色嘅透明〝窗口〞，係全球第一個用這種新設計嘅國家。

5元

10元

20元

50元

100元

圖片來源：
Reserve Bank of Australia

---

我黎左成年，暫時都未有機會見到 100元紙幣，好可能因為自動櫃員機撳錢都只會撳到 20／50 元紙幣，不過如果你去銀行／找換店都仲有可能見到既。

唔講可能你唔知，無論入境或離境，帶超過 1 萬澳元現金既話係要申報的，而上個月前下議院已通過左個議案（1月1日生效，但現在仲未變成法例，要過埋參議院先得），以後大家唔可以用現金買超過 1 萬澳元既物品，不然既話最嚴重係入獄兩年，所以帶住一箱現金買屋既情境，日後應該唔會再發生。