愛貓也移民 (前篇)

如果想知道有關貓隻移民手續,請留意下一篇。認識澳洲 – 愛貓也移民

我有一隻愛貓叫沙沙,跟左我十五年。

沙沙3個月大

2003年6月,有貓義工報料,話留意到九龍灣某公屋的垃圾站,有一群出世數月的小貓開始染病,貓媽無力照顧,所以我地行動組出動,捉左貓媽去 desex,順便嘗試帶佢回去醫治,可惜最後多數都救唔返,我地太遲行動了,最後死唔去的,得返我隻沙沙同佢個妹(已被另一義工領養)。

沙沙生命力好強,最後存活左落黎,但視力無法回復,只有1-2成視力,做左3次手術都醫唔返,所以每次領養日,好自然都找不到領養人。你知嗎?做貓義工最忌係咩?就係對住啲貓日舊生情,既然有一隻貓晚晚陪住我,由單身到拍拖,失戀單身再找到現在個老婆,佢每晚都同我一齊訓,一過十五年,我同佢已分不開,今次移民,我一定要帶埋佢,同我一齊走。

左Ivy,沙沙最要好朋友,可惜已因心臟病過身

有需要的朋友可以自己制作以下 Calendar, 安排自己的愛貓/狗移民澳洲,唔想煩都要找個 agent 幫手。
https://www.agriculture.gov.au/cats-dogs

待續…

發表回覆

你的電郵地址並不會被公開。 必要欄位標記為 *