如果你熱愛澳洲這片土地，這個地球，應該都會好想保護好佢，唔想住既地方變成一個大垃圾崗，但要點做呢？
係香港，大家對廢物回收應該唔會陌生，但到左南澳，家居廢物又係點回收呢？佢地既分類法同我地好唔同：
- 紅／藍色：家居廢物（好似膠袋／磚頭／發泡膠盒／尿片／衣物／爛左既玻璃等），放係入面嘅野，會送去堆田，無得重用，浪費了，所以放係入面既野越少越好。
- 黃 色：所有可回收物品，好似紙皮，硬膠樽，鋁罐咁，全部放係同一個箱就得，佢地之後會有機器幫手分類。
- 綠 色：所有有機物，即係㕑餘、植物、樹枝（最長 60cm），一個簡單的講法，就係可以生長的，都放在這裡。
其中，都有啲要注意
- 所有家電／電腦／油漆或鋰電，都唔可以就咁放係紅／藍色（家居廢物）到，要問各地的 Council 如何處理，或等每年一至兩次的 Waste Drop Off Day。
- 所有尿片，就算係可以分解的，都只能放係紅／藍色（家居廢物）到。
- 有些 Council 會接收動物的糞便，如果接受的話，亦可以放係綠色回收箱，不過記得唔好放代膠袋內。
- 回收玻璃／膠瓶時，要把瓶蓋取出，除去招紙同清洗一下。
- 部份鋁罐或膠樽，送返去特定回收點或超市，仲可以有 10c 回贈，錢黎架！
- 如果 Council 唔回收竉物糞便，有人會自己重 Worm Farm，不過要小心，草食性動物的糞便做出黎既肥料先可以種食物，肉食性動物的糞便做出黎既肥料只可以俾觀賞性稙物用。
- 不同 Council 的可回收物，詳情可以參考 http://www.recycleright.sa.gov.au/
可回收既物品種類太多，如果唔知入邊一個箱，可以到以下網址查：http://www.whichbin.com.au/az-items/
在香港，部份屋苑有廚餘回收服務，更可以換返紙巾等日用品，但在澳洲／南澳就沒有這麼幸運了，廚餘需放在綠色回收筒內回收，但兩星期才回收一次，如果天氣熱的話，真的會發出陣陣惡臭。Council 的小冊子上建議平日可以雪藏廚餘，到回收日前一晚才放進綠色筒內。
希望大家一齊保護好我地既南澳同埋地球。
