飲食文化差異

一年多前第一次去到 Adelaide 唐人街,看見以上的食物 Poster 真有點意外,我以後就要食這些嗎?大家多唔多咁食法呢?然後入到 Central Market 內的 food court,在其中一間華人店買了一碟“海南雞飯”,雞無雞味,雞肉 Over Cooked,飯不是油飯,這是澳洲特色的海南雞飯嗎?睇黎我要適應下。

第一印像雖然無咁好,但住左係度一年,發覺在阿德要食唐人野又唔係真的太難,在 Norwood 的帝苑飲茶食點心,一班朋友一齊食每位約 20 – 30 都已好飽,水準不錯之餘,亦可以聽到好多廣東話,好有親切感。Coles超市買到的“點心”雖然難食得嚇死人,但 Costco 買到既叉燒包又意外好味。日常亦都可以輕易在亞洲超市買到好多不同亞洲食材,回家包餃子,煲下清保涼,其實只需親力親為,都可以有啖好食嘅。


來到澳洲不久,聽到有一樣叫 Vegemite (Yeast Extract) 既食物,本地人愛不釋手,於是便買來試下,第一次試後我既反應就好似以下既小朋友咁⋯⋯

真係好後悔買左回來試,當我仲係度想緊係咪要 dum 左佢咁浪費之際,好彩俾我見到 Hugh Jackman 教大家食 Vegemite 的正確方法,試完立即對佢改觀晒。

下次有朋友來澳,一定要買啲返香港做手信!