醫療卡

申請 Medicare 算是新移民初登陸頭5件必做事之一 。除左方便睇醫生,更重要既係 Medicare 卡係一個身份證明文件,ID check 入面值25分,租屋、開銀行戶口都會用得著。

Medicare card 可以去就近的 SA Service 中心申請,憑卡在 bulk bill 的診所睇醫生免費,診所會直接向 Medicare 收費。

Medicare 申請條件及辦法
https://www.humanservices.gov.au … icare/medicare-card

怎樣找 bulk bill 的診所? 在此推薦一個app – HealthEngine ,可以按地區 / 醫生性別 / 語言找GP (普通家庭醫生)、牙醫、物理治療、心理醫生等,仲可以篩選是否 bulk bill,查閱開放時間、睇評價、大部份診所仲可以即時在網上 / app內掛號,o岩晒啲無法用英文口語形容病況既人。

圖書舘

初來南澳,家俬物品未寄來,小朋友無晒啲玩具,上網又未有無限 Plan,這時很建議大家到住處附近的圖書館睇睇。

去到圖書館,除左借書外,仲有好多野可以做,以我這裡附近的 Campbelltown Library 為例,你可以:

  • 免費上網:上網 Data 唔夠用時,這裡可以解決你燃眉之急
  • 印文件(收費):初來報到要填 Form 印住址証明文件都可以,黑白彩色單雙面都得(要把文件 Email 去特定地址)
  • Certify文件:有常駐 JP 係度幫你 Cert 文件
  • 借 Bluray / DVD 影片:古今中外電影電視劇都有,卡通片更是女兒最愛,家中上唔到網睇片最岩,不過唔一定有中文字幕
  • 借小朋友玩具:不少圖書館都有 Toy Library,佢地有好多 0-5yrs old 的玩具、Board Game及電子遊戲借用 2-3星期,收AU23年費(其他地方更平),唔想買左玩具玩幾玩又要找地方安置,這裡不錯
  • 終身學習:登記用戶可以免費無限任用 Lynda 網上教學網!!!
  • 其他 Activities 給大人或小朋友,不能盡錄⋯⋯

有咁多免費服務,你仲驚來到南澳會悶嗎?

南澳教育制度

Source: https://www.sa.gov.au/__data/assets/image/0003/18417/SouthAustralianEducationSystemDiagram.jpg

一般資料:

  1. 家長可為孩子選讀公立、私立或天主教辦理的幼稚園、中小學
  2. 所有學齡兒童必須要 6 歲生日前入讀小學
  3. Preschool & Kindergarten 都指幼稚園
  4. 17歲以下的兒童一星期必須最少有25小時的上學時間、在職訓練或工作。
  5. 每年入學年齡 cut off date 是 5 月 1 日,所有於 5 月 1 日出生的小童可以在該學年的 term 1 開始上學。 如果小朋友是由海外或跨省轉來南澳讀書 cut off date 是 7 月 1 日。
繼續閱讀 「南澳教育制度」

香港與南澳時區差別

香港時區係 GMT + 8,同中國一樣,所以同內地溝通,基本上無咩分別,北京的早上九點就係香港的早上九點,無時差。

南澳時區係 GMT + 9.5,基本上快香港 1.5 小時,都好易運算,但每年10月第一個星期日 至 4月嘅第一個星期日,就會實行夏令時間,即係當地標準時間 + 1個小時,變左快香港 2.5 小時,所以想打俾香港朋友,千萬要留意唔好太早呀!

澳洲國花、南澳州花

圖片來源:Wiki

香港市花係洋紫荊大多數香港人都知,來到南澳你又認識這裡的國花及州花嗎?

澳洲國花:
金合歡 (Acacia pycnantha, commonly known as the golden wattle)

在澳洲大陸,合歡樹是僅次於桉樹的另一個重要樹種,品種達500種之多,而它的用途和功能也是別具特色的。合歡樹木質堅實細密,花紋美麗,建築上多用於室內裝飾,同時也是制作器具的上乘材料,因其有良好的保溫性,故還有用合歡樹做爐灶的。合歡樹根部長有根瘤菌,可固化空氣中的氮質為土壤中的氮元素,有助於改善土壤結構,增加土壤肥力。此外,養蜂業也離不開合歡樹,當其他花兒還未開放時,盛開的合歡樹是很好的蜂蜜蜜源。葉子可作為菜餚的調味料、花曬乾後可以泡茶。

繼續閱讀 「澳洲國花、南澳州花」